Iiskulpture gliich sind die Süessigkeite us ghärtetem Zucker. Au si chläbe an de Zunge und d’Fusel vo de Chappe, woni aha, chläbe mit de Ziit au dra. Will so e Zuckerstange, so en Lollipop halt, de chasch halt scho nid so schnell ässe und – wie mir alli wüsse – bisse isch verbote. Und jetzt, zobe, in de Adväntsgass wo kaleidoskopisch d’Liechter vo allne Richtige brenne und sich i dem Lollipop spiegele, wie es Prisma din verfange und vermehre, gseht’s fast so us, als würd er Funke sprüeh.